世盃新丁庫拉索首仗以1比7大敗於德國腳下，領隊艾禾卡特被影到抹眼淚，外界以為呢位荷蘭名帥輸到喊，原來只係風沙入眼。艾禾卡特今仗創造一項紀錄，以78歲零260日成為世盃決賽周史上最大年齡主帥。
艾禾卡特抹眼淚其實發生開波前，但呢位老帥近年的確經驗悲傷日子，佢率領庫拉索取得世盃入場券之後辭職，專心照顧患癌症女兒，原本冇打算回巢，經過球隊上下請求後，佢離隊4個月後回歸繼續領軍，並成為世盃決賽周史上最大年齡主帥，比對手德國領隊拿高斯文，足足年長39歲零299日，創下世盃史上雙方主帥最大年齡差距。
艾禾卡特曾率領荷蘭出戰1994年世盃，8強不敵巴西，非常巧合今場世盃同樣喺美國舉行，庫拉索經歷大敗後，能否創造奇迹出線，下場周日(21日)早上對厄瓜多爾，成為最關鍵一戰。
免費玩Game、砌最強11人，一鍵share畀FD子打牙骹：